දීර්ඝ කාලයක් පුරා විවිධ හේතුන් මත ප්‍රදර්ශනය කිරිමට නොහැකිව පෙළ ගැසී ඇති දේශීය චිත්‍රපට කඩිනමින් අවසන් කිරිමට කටයුතු කිරිම පසුගිය වසර ගණනාව පුරා ජාතික චිත්‍රපට සංස්ථාවට දැඩි අභියෝගයක්ව පැවතුණා.
මේ පිළිබඳ සාකච්ඡාවක් පසුගියදා Flickoo ආයතනය හා ජාතික චිත්‍රපට සංස්ථාව අතර ජාතික චිත්‍රපට සංස්ථාවේ දී පවත්වා තිබෙනවා.
ඒ අනුව ජාතික චිත්‍රපට සංස්ථාව , Flickoo ආයතනය සමග එක්ව ගෝලීය ඩිජිටල් අවකාශයට මෙරට චිත්‍රපට මුදාහැරිමට වැඩපිළිවලක් සැකසීමට කටයුතු කරනු ඇති.
මෙමඟින් ලොව පුරා විසිරී සිටින ශ්‍රි ලාංකේය සිනමා රසිකයින්හට චිත්‍රපට නැරඹීමේ පහසුකම හිමිවනවා.
මෙම සාකච්ඡාවේදී ශ්‍රි ලාංකේය සිනමාව ඩිජිටල්කරණය සහ online streaming , චිත්‍රපට කර්මාන්තයේ නව ආදායම් උත්පාදනය , දේශීය චිත්‍රපට ගෝලීය වශයෙන් ප්‍රවර්ධනය , අංකුර සිනමා කරුවන් උදෙසා ඩිජිටල් වේදිකාව පුළුල් කිරීම, ගෝලීය අවකාශයේ දේශිය චිත්‍රපට ලේඛනගත කිරිම සහ සංස්කෘතිය සුරැකිම ආදිය සම්බන්ධයෙන් අවධානය යොමුවි තිබෙනවා.
Flickoo යනු ශ්‍රි ලාංකේය සිනමාව ජාත්‍යන්තරයට රැගෙන යාම සදහා නිර්මාණය කරන ලද විශේෂිත ඩිජිටල් වේදිකාවක්.
