05 ශ්‍රේණිය ශිෂ්‍යත්ව විභාගයේ ප්‍රශ්න පත්‍රය සම්බන්ධයෙන් තවදුරටත් ගැටලු ඇත්නම් ඊට අදාළ ප්‍රමාණවත් සාක්ෂි සමග පැමිණිලි කිරීමේ හැකියාව පවතින බව පොලිසිය පවසනවා.
පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දුව සඳහන් කළේ, කොට්ඨාස භාර නිලධාරී කාර්යාල වෙත ගොස් අනිද්දාට (07) පෙර ඊට අදාළ පැමිණිලි ඉදිරිපත් කළ හැකි බවයි.
“ශිෂ්‍යත්ව විභාග ප්‍රශ්න පත්‍ර ගැටලුවට අත්අඩංගුවට ගත් සැකකරුවන් මේ මස 07 වන දින දක්වා රක්ෂිත බන්ධනාගාරගත කර තිබෙනවා. කඩුවෙල මහේස්ත්‍රාත් අධිකරණය මඟින්. යම් කිසි පුගලයෙක් සතුව තොරතුරු තියෙනවානම් මේ විභාග ප්‍රශ්න පත්‍රයේ මේ කියන ප්‍රශ්නවලට අමතරව වෙනත් ප්‍රශ්න තියෙනවානම් , ඔවුන්ට අවස්ථාව තියෙනවා සාක්ශි සහිතව 07 වන දින හෝ ඊට පෙර කොට්ඨාශ භාර නිලධාරී කාර්යාලය වෙත ගිහින් පැමිණීලි කරන්න, එලෙස යෑමේ අපහසුතාවයක් තියෙනවාන, ළඟම ඇති පොලිස් ස්ථානයට ගිහින් පැමිණීලි කරන්න පුළුවන්, මේ සියලු පැමිණිලි සහ තොරතුරු අපරාධ පරීක්ෂණ දෙපාර්තුමේන්තුවට යොමු කරනවා, මෙතෙක් කළ විමර්ශනවලදී අනාවරණය වෙලා තිබෙන්නේ ප්‍රශ්න තුනක් විභාගයට පෙර පිටවූ බව පමණයි”
