මේ දිනවල දුම්රිය මාර්ගවල කිසියම් පිරිසක් විසින් ඇණ ගැලවීමේ සිද්ධියක් වාර්තා වනවා.
එලෙස සිදුකරන පුද්ගලයින් අත්අඩංගුවට ගැනීම සඳහා දුම්රිය ආරක්ෂක නිලධාරීන් 300කට අධික පිරිසක් යොදවා බවයි දුම්රිය දෙපාර්තමේන්තුව කියා සිටියේ.
මේ අනුව එම දෙපාර්තමේන්තුව සඳහන් කළේ කළේ කැලණිවැලි දුම්රිය මාර්ගයේ, මුහුදුබඩ දුම්රිය මාර්ගයේ සහ ප්‍රධාන දුම්රිය මාර්ගයේ පසුගිය දිනවල දුම්රිය පීලි පැනීමට ප්‍රධාන හේතුව මත්ද්‍රව්‍ය භාවිතයට ඇබ්බැහි වුවන් දුම්රිය මාර්ගයේ පීලි සහ සිල්බර කොටන්වලට සම්බන්ධ කර ඇති ඇණ ගැලව ගෙන යාම බවයි.
මෙම තත්ත්වය මත මඟී ජීවිත විශාල අවධානමකට පත්ව ඇති බවද ඔවුන් සඳහන් කරනවා.
එම දෙපාර්තමේන්තුව වැඩිදුරටත් කියා සිටියේ මෙලස දුම්රිය මාර්ගවල ඇණ ගලවනු ලබන පුද්ගලයින් දුටුව හොත් වහාම ළඟම ඇති පොලිස් ස්ථානයට ඒ සම්බන්ධව දැනුම් දෙන ලෙසයි.
