කාර්මික දෝෂයක් හේතුවෙන්, දකුණු කොරියාව බලා පියාසර කළ ශ්රී ලංකන් ගුවන් යානයක් පැය දෙකක පමණ ගුවන් ගමනකින් පසුව යළිත් කටුනායක ගුවන්තොටුපොළ වෙත ගොඩබස්සවා තිබෙනවා.
ශ්රී ලංකන් ගුවන් සේවයේ මාධ්ය අංශය පැවසුවේ, යූ.එල්.- 470 දරන ගුවන් යානය, මගීන් 144 දෙනෙකු හා කාර්ය මණ්ඩලය 15 දෙනෙකු සමග ඊයේ (07) පස්වරු 06.20 ට කටුනායක ගුවන් තොටුපොලේ සිට දකුණු කොරියාවේ ඉන්චියොන් ගුවන් තොටුපොළ බලා ගමන් ආරම්භ කළ බවයි.
කෙසේ වෙතත්, ශ්රී ලන්කන් ගුවන් සමාගම පැවසුවේ කාර්මික දෝෂයකට ලක් වීම නිසා නැවත රාත්රී 08.10 ට කටුනායක ගුවන් තොටුපොළ වෙත යානය ගොඩ බැස්සවූ බවයි.
මෙම ගුවන් මගීන් පිරිස, වෙනත් ගුවන් යානයකින් දකුණු කොරියාව බලා පිටත් කර හැරීමට සැළසුම් කරමින් සිටින බව ශ්රී ලංකන් ගුවන් සමාගම සඳහන් කළා.