පළාත් පාලන මැතිවරණයේ ප්‍රචාරක කටයුතු මේ වන විට බොහෝ දුරට සාමකාමීව සිදුවන බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා පවසනවා.
ඔහු පෙන්වා දෙන්නේ, අපේක්ෂකයින් 71,000 කට අධික සංඛ්‍යාවක් තරඟ කළද, පොලිසියට ලැබී ඇත්තේ, පැමිණිලි 200 ක් පමණක් බවයි.
ඒ අතර ප්‍රචණ්ඩකාරී සිද්ධීන් 13 ක්ද වනවා.
එවැනි එක් සිද්ධියක් වූයේ දැරණියගල ප්‍රදේශයේ අපේක්ෂකයෙකුට පහර දීම වන අතර ඒ සම්බන්ධයෙන් එක් පුද්ගලයෙකු අත්අඩංගුවට ගෙන තිබෙනවා.
මැතිවරණ සම්බන්ධ පැමිණිලි සම්බන්ධයෙන් පොලිසිය අපේක්ෂකයින් 15 දෙනෙකු සහ පක්ෂ ආධාරකරුවන් 52 දෙනෙකු අත්අඩංගුවට ගෙන තිබෙන බවයි රෝහණ හෙට්ටිආරච්චි මහතා පවසන්නේ.
නීතිය ක්‍රියාත්මක කරන නිලධාරීන් කඩිනමින් ප්‍රතිචාර දැක්වීම අගය කළ රෝහණ හෙට්ටිආරච්චි මහතා අලුත් අවුරුදු සමයේදී ප්‍රධාන ඡන්ද දායකයින්ට අල්ලස් දීමේ උත්සාහයන් වාර්තා නොවූ බවද සඳහන් කළා.
එමෙන්ම උත්සව අවස්ථා ඡන්ද දායකයින්ට බලපෑම් කිරීම සඳහා යොදා ගැනීමෙන් වළකින ලෙසත් මැයි 6 වන දින පැවැත්වෙන මැතිවරණයට පෙර සාමකාමී ප්‍රචාරක කටයුතු අඛණ්ඩව පවත්වාගෙන යාමටත් රෝහණ හෙට්ටිආරච්චි මහතා අපේක්ෂකයින්ගෙන් ඉල්ලා සිටියා.
