බස්නාහිර පළාත් ආණ්ඩුකාර හනිෆ් යූසුෆ් මහතා එම ධූරෙයෙන් ඉවත්ව ඇති බවට ඇතැම් සමාජ මාධ්‍ය ජාල ඔස්සේ පළවන වාර්තා අසත්‍ය බව ‘දිවයින’ වාර්තා කරනවා.
විශේෂ ප්‍රකාශයක් ලබා දෙමින් හනිෆ් යූසුෆ් මහතා පවසා ඇත්තේ, අදාළ වාර්තා අසත්‍ය අතර තමන් එම ධූරයෙන් ඉවත්වීමේ සූදානමක් නොමැති බවයි.
තමා කොළඹ රාජකීය විද්‍යාලයේ ආදි ශිෂ්‍යයෙක් බවත් ජනාධිපති අනුර කුමාර දිසානායක මහතාගේ ආරාධනයෙන් බස්නාහිර පළාත් ආණ්ඩුකාර ධුරය භාරගත්තේ රටට සේවයක් කීරීමට බවත් ඔහු සඳහන් කර තිබෙනවා.
තමා කිසිදු ආගමික හෝ ජාති බේදයකින් තොරව කටයුතු කරන බවද හනිෆ් යූසුෆ් මහතා තවදුරටත් පවසා තිබුණා.
