ඉන්දීය නාවික හමුදාවට අයත් සබ්මැරීනයක් නිල සංචාරයක් සඳහා කොළඹ වරායට පැමිණ තිබෙනවා.
නාවික හමුදාව පවසන්නේ අද (10) පෙරවරුවේ කොළඹ වරායට ළඟා වූ ‘INS Vela’ සබ්මැරීනය ශ්‍රී ලංකා නාවික හමුදාව විසින් නාවික හමුදා සම්ප්‍රදායානුකූලව පිළිගත් බවයි.
දිගින් මීටර් 67.5කින් යුත් සබ්මැරීනයේ කාර්යමණ්ඩලය 53 දෛනකුගෙන් සමන්විත වනවා.
‘INS Vela’ සබ්මැරීනය ලබන 13 වනදා දිවයිනෙන් පිටත්ව යාමට නියමිතයි.
එම කාලය තුළ එහි කාර්යමණ්ඩලය, දෙරටේ නාවික හමුදාවන්ගේ සුහදත්වය වර්ධනය කිරීම වෙනුවෙන් සංවිධානය කරනු ලබන වැඩසටහන් කිහිපයකට සහභාගී වීමට නියමිතව තිබෙනවා.
නාවික හමුදාව වැඩිදුරටත් සඳහන් කළේ එමෙන්ම ඉන්දීය නාවිකයින් පිරිස මෙරට වැදගත් ස්ථාන නැරඹීම සඳහා ප්‍රදේශ කිහිපයක සංචාරය කිරීමට ද සැලසුම් කර ඇති බවයි.
