ඩුබායි හි පාලකයාගේ දියණිය වන ෂෙයිකා මහරා බින්ට් මොහොමඩ් බින් රෂීඩ් අල් මටූම් සිය සැමියා වන ෂෙයික් මානා බින් මොහොමඩ් බින් රෂීඩ් බින් මානා අල් මක්ඛුම්ගෙන් “දික්කසාදය” ප්‍රසිද්ධියේ ප්‍රකාශ කර තිබෙනවා.
මෙම නිවේදනය ප්‍රකාශ කර ඇත්තේ, යුවළ ඔවුන්ගේ පළමු දරුවා පිළිසිදගෙන මාස දෙකකට පසුවවීම විශේෂත්වයක්
ඒ අනුව “ආදරණීය සැමියා මම මෙයින් අපගේ දික්කසාදය ප්‍රකාශ කරමි. මම ඔබව දික්කසාද කරමි, මම ඔබව දික්කසාද කරමි, මම ඔබව දික්කසාද කරමි. පරිස්සම් වන්න. ඔබේ හිටපු බිරිඳ.” ලෙසින් ඇය සිය Instagram හි සටහනක් දමා තිබෙනවා.
ඉස්ලාම් දික්කසාද පිළිවෙතක් ලෙස ත්‍රිත්ව තලාක් ආකාරයෙන් තෙවරක් දික්කසාද වන බවට ඇය ඒ අනුව සටහන් කර ඇති බව දැකගත හැකියි.
සාමාන්‍යයෙන් මුස්ලිම් ස්වාමිපුරුෂයන් හට “මම ඔබව දික්කසාද කරමි” යනුවෙන් තෙවරක් පවසා තම භාර්යාව ඉක්මනින් දික්කසාද කිරීමේ ක්‍රමවේදයක් පැවතියද බොහෝ රටවල් මෙම ක්‍රියාව තහනම් කර තිබෙනවා.
මෙම යුවළ පසුගිය වසරේ මැයි මාසයේදී අති උත්කර්ෂවත් විවාහ උත්සවයකින් අනතුරුව විවාහ වූ අතර, ඉන් මාස 12කට පසු කුමරිය හට තම දියණිය පිළිසිද ගත්තා.
ඩුබායි කුමරිය සිය Instagram ගිණුමෙන් තම සැමියා සමග සිටින සියලුම ඡායාරූප මකාදමා ඇති අතර ඇයගේ සැමියාද ඔහුගේ Instagram ගිණුමෙන් ඇයගේ ඡායාරූප සියල්ල මකා දමා තිබෙනවා.
BBC ලෝක සේවය පවසන්නේ මේ පිළිබදව නිල වශයෙන් දැනගැනීමට ඩුබායි රජයෙන් හා ලන්ඩනයේ පිහිටි එක්සත් අරාබි එමීර් රාජ්‍ය තානාපති කාර්යාලය ඇමතුවත් ඔවුන් ප්‍රතිචාර නොදැක්වූ බවයි.
ෂෙයිකා මහරා එක්සත් අරාබි එමීර් රාජ්‍යයේ උප ජනාධිපති සහ අගමැති සහ ඩුබායි පාලකයාගේ දියණියයි.
