මේ වන විට මහ කන්නයේ හොඳ අස්වැන්නක් ලැබෙමින් පවතින බව ජනපති රනිල් වික්‍රමසිංහ මහතා පවසනවා.
ජනාධිපතිවරයා මේ බව කියා සිටියේ අද (08) පාර්ලිමේන්තුවේ පැවැති අයවැය කාරක සභා විවාදයට එක්වෙමින්.
ඒ අනුව අද වන විට වී අතිරික්තයක් ඇති වන බවයි ජනාධිපතිවරයා සඳහන් කළේ.
ජනාධිපතිවරයා ප්‍රකාශ කළේ මෙයින් ඉතිරිවන කොටස මන්ද පෝෂණය වෙනුවෙන් භාවිතයට ගැනීමට අවස්ථාවක් ඇති බවයි.
“දැන් මට පේන විදියට අප්‍රේල් මාසය වන විට මහ කන්නයේ හොඳ අස්වැන්නක් ලැබෙනවා. ඒකත් ප්‍රශ්ණයක්. අපිට යල කන්නයේ කොටසක් ඉතිරි වෙලා තියෙනවා. ඒ වගේම කලින් මාස් කන්නයේ කොටසක් තියෙනවා.
මේ නිසා වී අතිරික්තයක් තියෙන තත්ත්ව්යාට යන්න පුළුවන්. ගොවි මහතුන් ආරක්ෂා කරන්න පුළුවන්. තවද වී අතිරික්තයක් තියෙන නිසා මන්දපෝෂණය සඳහා වුවමනා කොටසක් ගන්න පුළුවන්.”
