පොලිස් හදිසි ඇමතුම් අංශයට ලැබුණු පැමිණිල්ලක් විභාගකිරීම සඳහා පැමිණෙන ලෙස දැනුම්දීමට ගිය පොලිස් නිලධාරියෙක්ට පුද්ගලයෙකු විසින් කඩුවකින් පහර දී තිබෙනවා.
පානදුර දකුණ පොලිසියේ රථවාහන අංශ නිලධාරියෙක් අද (03) පස්වරුවේ මෙලෙස පහර කෑමට ලක්ව ඇති බවට තොරතුරු වාර්තා වනවා.
කඩු ප්‍රහාරයෙන් නිලධරියාගේ ගෙළට සහ වම් අතට තුවාල සිදුව ඇති අතර, ඔහුව පානදුර මූලික රෝහලට ඇතුළත් කර තිබෙනවා.
පහරදීමට සම්බන්ධ පානදුර, එළුවිල ප්‍රදේශයේ පදිංචි පුද්ගලයා අත්අඩංගුවට ගෙන ඇති අතර, පහරදීමට යොදාගත් කඩුව ද පොලිස් භාරයට ගත් බව පොලිසිය පවසනවා.
අත්අඩංගුවට ගැනුණු සැකකරු පානදුර මහේස්ත්‍රාත් අධිකරණයට ඉදිරිපත් කිරිමට නියමිතව තිබුණා.
