සුපිරි 12 වටයේ ශ්‍රී ලංකාව සහ නවසීලන්තය අතර තරඟයේ කාසියේ වාසිය දිනා පළමුවෙන් පන්දුවට පහර දුන් නවසීලන්තය නියමිත පන්දුවාර 20 අවසානයේ කඩුලු 7කට ලකුණු 167ක් ලබා ගැනීමට සමත් වුණා.
තරඟයේ පළමු පන්දුවාර 6 අවසානයේ නවසීලන්තයේ කඩුලු 3ක් බිඳ හෙලීමට ශ්‍රී ලංකා පන්දු යවන්නන් සමත් වුණා.
කෙසේ වෙතත් ඉන් අනතුරුව සිව්වන කඩුල්ල වෙනුවෙන් ග්ලෙන් පිලිප්ස් සහ ඩැරල් මිචල් ලකුණු 84ක සබඳතාවක් ගොඩනැගු අතර එම සබඳතාව බිඳ හෙළීමට වනිදු හසරංගට හැකියාව ලැබුණා.
නවසීලන්තය වෙනුවෙන් විශිෂ්ඨ පිතිහරඹයක නිරත වූ ග්ලෙන් පිලිප්ස් පන්දු 64කදී ලකුණු 104ක් ලබාගත් අතර ඊට හතරේ පහරවල් 10ක් සහ හයේ පහරවල් 4ක් ඇතුළත් වුණා.
ශ්‍රී ලංකාව වෙනුවෙන් පන්දු යැවීමේ දී කසුන් රාජිත කඩුලු දෙකක් බිඳ හෙලු අතර වනිදු හසරංග, මහිෂ් තීක්ෂණ, ධනංජය ද සිල්වා, ලහිරු කුමාර කඩුලු 1 බැඟින් බිඳ හෙලුවා.
