කොළඹ පුත්තලම මාර්ගයේ කටුනායක 18 කණුව සංඥා පුවරුව අසල දී ලොරි රථයක් සහ ත්‍රීරෝද රියක් ගැටීමෙන් බිහිසුණු අනතුරක් සිදුව තිබෙනවා.
අද දින (20) අලුයම 03.30 ට පමණ මෙම අනතුර සිදුව තිබෙන බව පොලිසිය පවසනවා.
අප කළ විමසීමකදී කටුනායක පොලිස් ස්ථානයේ රථවාහන අංශය ස්ථානාධිපති පවසා සිටියේ මෙම අනතුරින් ත්‍රීරෝදරියෙහි ගමන්ගත් වයස අවුරුදු 67 කාන්තාවක් ජීවිතක්ෂයට පත්ව තිබෙන බවයි.
ත්‍රීරෝද රථය කොළඹ දෙස සිට මීගමුව දෙසට ගමන් කරන මාර්ගයේ පැමිණ කටුනායක 18 කණුව සංඥා පුවරුව අසලින් මිනුවන්ගොඩ දෙසට හැරවීමේදී මීගමුව දෙස සිට කොළඹ දෙස ගමන් ගත් ලොරි රථයේ ගැටීමෙන් මෙම අනතුර සිදුව තිබෙනවා.
අනතුර සිදුවන අවස්ථාවේදී ත්‍රීරෝද රථය හතර දෙනෙකු ගමන් කර ඇති අතර එහි සිටි මෙම කාන්තාව ජීවිතක්ෂයට පත්ව තිබෙනවා.
මිනුවන්ගොඩ දමිත් තිසර
