කොළඹ රිජ්වේ ආර්යා ළමා රෝහලේ දැඩි සත්කාර ඒකකයේ ප්‍රතිකාර ලැබූ මාස 8ක් වයසැති බිලිඳෙකු ජිවිතක්ෂයට පත්ව තිබෙනවා.
බිලිඳාගේ මව්පියන් චෝදනා කරන්නේ ලබාදුන් එන්නතකින් පසු අසාධ්‍ය වීම හේතුවෙන් දරුවා දැඩි සත්කාර ඒකකයට ඇතුළත් කර සිටියදී ජීවිතක්ෂයට පත් වූ බවයි.
මෙලෙස අවාසනාවන්ත ලෙසින් ජීවිතක්ෂයට පත් වූයේ අවිස්සාවේල්ල ඇපලපිටිය ප්‍රදේශයේ මාස 8ක් වයසැති බිළිදෙකු බවයි සඳහන් වෙන්නේ.
උණ රෝගයෙන් පෙළීම හේතුවෙන් අගෝස්තු 04 වනදා මෙම බිළිඳා අවිස්සාවේල්ල රෝහලට ඇතුළත් කර තිබුණා.
වැඩිදුර ප්‍රතිකාර සඳහා බිලිඳා අගෝස්තු 05 වනදා කොළඹ රිජ්වේ ආර්යා ළමා රෝහලට ඇතුළත් කර තිබූ අතර මව්පියන් චෝදනා කරන්නේ ලබාදුන් එන්නතකින් පසු අසාධ්‍ය වීම හේතුවෙන් දරුවා දැඩි සත්කාර ඒකකයට ඇතුළත් කර සිටියදී බිළිඳා ජීවිතක්ෂයට පත්ව ඇති බවයි.
බිලිඳාගේ මරණය සම්බන්ධයෙන් එල්ල වන චෝදනා පිළිබඳව කොළඹ රිජ්වේ ආර්යා ළමා රෝහලේ අධ්‍යක්ෂ වෛද්‍ය ජී.විජේසූරිය මහතා
ප්‍රකාශ කර සිටියේ මෙම බිලිඳු මරණය සහ පසුගියදා කැලණිය ප්‍රදේශයෙන් වාර්තා වූ දරුවාගේ මරණය සම්බන්ධයෙන් කරුණු පැහැදිලි කිරීමක් අද දිනයේ සිදුකරන බවයි.
