ප්‍රවීණ කවියෙකු වූ උපුල් සේනාධිරිගේ මහතා අභාවප්‍රාප්ත වී තිබෙනවා.
අභාවප්‍රාප්ත වන විට ඔහු 65 වන වියේ පසු වුණා.
කාව්‍ය කෘති ගණනාවක් රචනා කරමින් කාව්‍ය කෘති පළ කිරීම මෙන්ම මකරන්ද කාව්‍ය සාමූහිකයේ සාමාජිකයෙකු ලෙසද ඔහු ප්‍රකටව සිටියා.
උපුල් සේනාධිරිගේ මහතාට වයස අවුරුදු 45 දී රෝගී තත්වයකින් දෑස් පෙනීම අහිමි වී තිබුණා.
ඔහුගේ කාව්‍ය රැසක් පළ වී ඇත්තේ එම සිදුවීමෙන් පසුව වීම විශේෂත්වයක්.
2013 දී පළ කරන ලද “මෙ මල් කළඹම නුඹ සතු” ඔහුගේ කාව්‍ය සංග්‍රහයක් ද වනවා.
2024 දී “ඉඳුදුන්න නැමුණු තැන” නම් වූ ඔහුගේ කාව්‍ය කෘතියට විදර්ශන සාහිත්‍ය ත්‍යාගයද හිමි වුණා.
උපුල් සේනාධිරිගේ මහතාගේ සමුගැනීමේ ශෝකය සිහිපත් කරමින් ලේඛකයන් සහ කවියන් කිහිපදෙනෙකු සමාජ මාධ්‍ය සටහන් පළ කර තිබුණා.
