විශේෂ ආරක්ෂාවක් යටතේ ප්‍රභූවරයෙක් හෙලිකොප්ටරයකින් රැගෙනවිත් කොළඹ ජාතික රෝහලේ දැඩි සත්කාර ඒකකය වෙත ප්‍රතිකාර සඳහා ඊයේ (28) පෙරවරුවේ ඇතුළත් කර තිබෙනවා.
රෝහල් ආරංචි මාර්ග වාර්තා කරන්නේ රෝගියෙක් රෝහලට ඇතුළත් කිරීමේදී අනුගමනය කරනු ලබන ක්‍රියාපටිපාටියෙන් බැහැරව කිසිඳු ලේඛනයක හෝ සටහන් නොතබා මෙම විශේෂ ප්‍රභූවරයා කොළඹ ජාතික රෝහලේ දැඩි සත්කාර ඒකකයට ඇතුළත් කර ඇති බවයි.
අදාළ රෝගියා වෙනුවෙන් කොළඹ ජාතික රෝහලේ වෛද්‍යවරුන් යොමු නොකොට වෙනත් විශේෂඥ වෛද්‍යවරුන් කණ්ඩායමක් විවධ රෝහල්වලින් ගෙන්වා ප්‍රතිකාර සඳහා යොමු කර ඇති බවද වාර්තා වනවා.
මෙම ප්‍රභූවරයා රෝහලට ඇතුළත් කිරීමෙන් අනතුරුව රෝහල අවට ප්‍රදේශයේ ආරක්ෂක සෙබළුන් රඳවමින් විශේෂ ආරක්ෂාවක් සපයා ඇති බවයි එම ආරංචි මාර්ග සඳහන් කරනවා.
මෙලෙස ප්‍රතිකාර ලබන්නේ හිටපු නාවික හමුදාපතිවරයෙක් බවයි වැඩිදුරටත් වාර්තා වන්නේ.
