නිවසක් වටා ඉදිකර තිබූ තාප්පයක කොටසක් කඩා වැටීමෙන් පෑස්සුම් ශිල්පියකු මිය ගොස් තිබෙනවා.
සිද්ධියෙන් මිය ගොස් ඇත්තේ බණ්ඩාරගම රයිගම, කහඹිලියාවත්ත ප්‍රදේශයේ පදිංචි පුද්ගලයෙක් බව වැලිකඩ පොලිසිය පවසනවා.
මරණකරුගේ උපන් දිනය යෙදී තිබූ පසුගිය 2 වැනිදාම ඔහුට මෙම අනතුර සිදුව තිබෙනවා.
පොලිසිය පැවසුවේ, ඔහු සිය පුතා සමග ශ්‍රී ජයවර්ධනපුර, පාර්ලිමේන්තු පාරේ, කුඹුක්ගහදුව ප්‍රදේශයේ නිවසක තාප්පයක තිබූ පැරැණි යකඩ වැටක් ඉවත් කර අලුත් වැටක් සවි කිරීමට කටයුතු කර තිබෙන බවයි.
එම අවස්ථාවේ මියගිය අයගේ පුත්‍රයා වෙළඳ සැලක් වෙත ගොස් තිබෙන අතර තාප්පේ ඉතිරි කොටස ඔහු විසින් කඩා ඉවත් කරමින් සිට තිබෙනවා.
ඒ මොහොතේ එකවරම තාප්පය කඩා වැටීමෙන් ඔහු ඊට යට වී ඇති බවත් ඒ හේතුවෙන් මරණය සිදුව ඇති බව අනාවරණය වනවා.
