බස් ගාස්තු ලබන ජූලි මාසය වන විට අනිවාර්යෙන්ම අසීමිත ලෙස වැඩි වන බව පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පවසනවා.
ඉන්ධන මිල පහළ දමන්නේ නම් එම සහනය ජනතාවට දෙන බවත් සහන දීමට නම් ඉන්ධන මිල පමණක් නොව අමතර කොටස් සහ භාණ්ඩ පිරිවැයත් පහල දැමීම සිදු කළ යුතු බවයි ඔහු පවසන්නේ.
සාමාන්‍ය බස් රථයක් එක්කෝටි හැත්තැ ලක්ෂයක් දක්වා මිල වැඩි වීමක් සිදු වී ඇති බවත් එයට සාපේක්ෂව සෙසු පිරිවැයන් ද ඉහළ ගොස් ඇති අතර ජූලි මාසය වන විට එය ගණනය කිරීමට සිදුවන බැවින් බස් ගාස්තු ඉහළ දැමීමට සිදුවන බවත් ඒ මහතා සදහන් කළා.
ඒ පිළිබඳව වැඩිදුරටත් අදහස් දැක්වූ ගැමුණු විජේරත්න මහතා :
” අවුරුද්දේ මැද අනිවාර්යෙන්ම බස් ගාස්තු සංශෝධනය කරන්න සිද්ධ වෙනවා. මොකද බස් රථයේ මිල අධික වෙලා තියෙන නිසා. අපි බලාපොරොත්තු වුණා ඉන්ධන මිල අඩු කරයි කියලා. හැබැයි විශේසයෙන්ම තිස් ගාණකින්වත් අඩු කරන්න ඕනේ. අපි දැන් පාඩුවට ධාවනය කරන්නේ. ලොකු මුදලකින් අඩු කළොත් අපි ඒ ප්‍රතිලාභය ජනතාවට දෙන්න කටයුතු කරනවා. 4%ක ප්‍රතිශතයට ආවොත් අපි සම්පූර්ණයෙන්ම අඩු කරන්න කටයුතු කරනවා.. හැබැයි ඒක සිහිනයක් වෙයි”
