බේරූට් අගනුවර ප්රදේශ 14ක් ඇතුළුව ලෙබනනයේ ප්රදේශ 24කට ඉදිරි පැය කිහිපය තුළ ප්රහාර එල්ල කරන බවට, ඊශ්රායලය අනතුරු අඟවා තිබෙනවා.
ඊශ්රායල හමුදාව නිවේදනය කළේ, හිස්බුල්ලා සංවිධානයට සහය දක්වන බැංකු සහ අනෙකුත් මූල්ය යටිතල පහසුකම් ඉලක්ක කර එම ප්රහාර දියත් කරන බවයි.
හිස්බුල්ලා සංවිධානයට මුදල් සපයන ස්ථාන ආශ්රිත ප්රදේශවලින් ඉවත් වන්නැයි ඔවුන් දැනුම් දී තිබෙනවා.
හිස්බුල්ලා සංවිධානයේ මූල්ය හස්තය බව පැවසෙන අල්-කාර්ඩ් අල්-හසන් මූල්ය සංගමය දැනුම් දෙන්නේ, යුද්ධය ආරම්භයේ සිට තැන්පතු ඇතුලු මූල්ය දේපල ආරක්ෂා කරගැනීම සඳහා සියලු ක්රියාමාර්ග ගෙන ඇති බවයි.
ඊශ්රායල හමුදා මෙතෙක් ප්රහාර එල්ල කළේ, හිස්බුල්ලා සංවිධානයේ මිලිටරි වත්කම් ඉලක්ක කර ගනිමින්.
මේ අතර බේරූට් අගනුවර ඩහීහ් ප්රදේශයට ගුවන් ප්රහාර 8 ක් එල්ල වී තිබෙනවා.
ඉන් සිදුවූ ජීවිත හානි මෙතෙක් වාර්තා වී නැහැ.