ශ්‍රී ලංකා මහ බැංකුව විසින් කුඩා පරිමාණ ආයෝජන සඳහා මූල්‍යමය ආධාර ලබා දෙන බව පවසමින් අන්තර්ජාලය ඔස්සේ සංසරණය වන ව්‍යාජ දැන්වීම් කිහිපයක් සම්බන්ධයෙන් ශ්‍රී ලංකා මහ බැංකුව අනතුරු ඇඟවීමක් නිකුත් කර තිබෙනවා.
මහ බැංකුව සඳහන් කරන්නේ, කෘත්‍රිම බුද්ධිය (AI) භාවිතයෙන් නිර්මාණය කරන ලද මෙම දැන්වීම් තුළ මහ බැංකු අධිපති ආචාර්ය නන්දලාල් වීරසිංහ මහතාගේ රූප අනිසි ලෙස භාවිතා කරන බවයි.
එම දැන්වීම්වලට නොරැවටෙන ලෙස මහබැංකුව ජනතාවට දැනුම් දෙනවා.
