දෙරට අතර වන වෙළෙද කටයුතුවල පොදු මුදල් ඒකකය ලෙස පකිස්තාන රුපියල භාවිතා කිරීමට ඉදිරිපත්ව ඇති යෝජනාවක් සම්බන්ධයෙන් ඇෆ්ගනිස්තානයේ ව්‍යාපාරික ප්‍රජාව දැඩි විරෝධය පළකරති.
ඩේලි ජැන්ග් පුවත්පත වාර්තා කර තිබූ පරිදි පකිස්තාන මුදල් අමාත්‍ය ශක්වාත් තරීන් සදහන් කළේ ඇෆ්ගනිස්තානය මුහුණ දී ඇති ඩොලර් හිඟයට විසදුමක් ලෙස පකිස්තාන රුපියල යොදා ගනුදෙනු සිදුකර යුතු බවයි.
මේ සම්බන්ධයෙන් දැඩි විරෝධය පළකර ඇති එරට ව්‍යපාරික ප්‍රජාව මෙය ඇෆ්ගනිස්තානයේ අනන්‍යතාව විනාශ කර එය පකිස්තානයේ අතවැසියකු කිරීමේ වෑයමක් බව සදහන් කර තිබේ.
මෙළෙස පකිස්තාන රුපියල දෙරට අතර වන ගනුදෙනුවල පොදු මුදල් ඒකකය ලෙස භාවිතා කිරීමට එරෙහිව දැවැන්ත විරෝධයක් සමාජ ජාලා ඔස්සේ ද දියත් වී ඇති බව එරට වාර්තා සදහන් කරයි.
