තමන්ට හිමි වැටුප් මාස 14 ක පමණ කාලයක් ගෙවා නැති බව පවසමින් ඇෆ්ගනිස්තානයේ වෛද්‍යවරුන් විරෝධතා ව්‍යාපාරයක් දියත් කර තිබේ.
විදෙස් මාධ්‍ය වාර්තා කළේ සමන්ගාන් සහ නුරිස්තාන් ප්‍රාන්තවල වෛද්‍යවරුන් විශාල පිරිසක් කාබුල්හි පිහිටි එක්සත් ජාතීන්ගේ කාර්යාලය ඉදිරිපිට පැවති මෙම විරෝධතාවයට එක්ව සිටි බවයි.
ඖෂධ හිගය නිසා තම පළාත්වල පිහිටි වෛද්‍ය සායන වැසී යමින් ඇති බවට ද උද්ඝෝෂණය එක්ව සිටි වෛද්‍යවරු මෙහිදී සදහන් කළහ.
ලෝක බැංකු ව්‍යාපෘතියක් යටතේ මෙම පළාත්වල වෛද්‍ය සේවා සැපයුම් ක්‍රියාත්මක වන බව පැවසේ.
කෙසේවෙතත් තලේබාන් සංවිධානය බලයට පැමිණීමත් සමග ව්‍යාපෘතිය භාරව සිටි කොන්ත්‍රාත්කරුවා රටින් පළායාමත් සමග මෙම අර්බුදය හටගෙන ඇති බව විදෙස් වාර්තාවල දැක්වේ.
