ඇෆ්ගනිස්තානය තුළ දරුණු ඖෂධ හිඟයක් හටගැනීමේ අවදානමක් මතුව ඇතැයි එරට ඖෂධ අලෙවිසැල් හිමියන්ගේ සංගමය අනතුරු අගවා තිබේ.
එම සංගමයේ සාමාජික අසීස්වුල්ලා සෆීක් ටොලෝ නිවුස් සේවයට පවසා ඇත්තේ ඖෂධ රැගත් ට්‍රක් රථ 50 ක් පමණ රටට ඇතුළුවීමට අවසර නොමැතිව දේශසීමාවන්හි රැදී සිටින බවයි.
තලේබාන් පාලකයන් එම රථවලට රට තුළට ඇතුළුවීමට අවසර ලබා දී නැත්තේ කුමන හේතුවක් මත දැයි තමන් නොදන්නා බව ද ඔහු වැඩිදුරටත් සදහන් කර තිබිණ.
මෙම තත්වය තවත් දින කිහිපයක් ඉදිරියට පැවතුණහොත් ලබන මාසය වන විට ඇෆ්ගනිස්තානය පුරා දරුණු ඖෂධ හිගයක් හටගනු ඇති බව ඔහු සදහන් කළේය.
මේ අතර ඇෆ්ගනිස්තානයේ සිටින ඖෂධ නිෂ්පාදකයන් පවසන්නේ මෙම අවහිරය හේතුවෙන් තමන්ට ද ඖෂධ නිෂ්පාදනය සදහා අවශ්‍ය මූලික ද්‍රව්‍ය සපයා ගැනීමට නොහැකි වී ඇති බවයි.
