ශ්‍රී ලංකාවේ විවිධාංගීකරණ ව්‍යාපාරික සමාගම් අතර ප්‍රමුඛතම සමාගමක් වන එයිට්කන් ස්පෙන්ස් සමාගම පසුගිය වසරේ දෙසැම්බර් 31 වන දිනෙන් අවසන් වූ මාස 09 සඳහා 124% ක සුවිශේෂී වර්ධනයක් වාර්තාකරමින් රුපියල් බිලියන 4.3 ක පෙර බදු ලාභයක් පෙන්නුම් කර තිබෙනවා.
එමෙන්ම, එම කාලසීමාව තුළ විදේශ විනිමය හැර වාර්තා කර ඇති පෙර බදු ලාභයක් රුපියල් බිලියන 4.9 ක්.
එමෙන්ම, එම මාස 9ක කාලය ඇතුළත කොටස් ගිණුම්ගත ආයෝජකයින් ඇතුළුව සමාගමේ මුළු ඉපැයීම්වල එකතුව 3%කින් වර්ධනය වී ඇති අතර එය බිලියන 76.3 දක්වා වර්ධනය වී තිබෙනවා.
සමාගමේ ආදායමෙන් ආසන්න වශයෙන් 65-70% ක් ඇමරිකානු ඩොලර් හෝ වෙනත් විදේශ මුදල් වලින් ලබා ගන්නා අතර එය පෙර වසරට සාපේක්ෂව එම කාලය තුළ පැවති අඩු විනිමය අනුපාතයක් පෙන්නුම් කරනවා.
එමෙන්ම, තුන්වන කාර්තුවේ සමාගමේ සාමාන්‍ය විනිමය අනුපාතය රු. 34.07 කින් පහත වැටුණු අතර පසුගිය මාස 9ක කාල සීමාව තුළ සාමාන්‍ය විනිමය අනුපාතය රුපියල් 20.87 කින් අඩුවී තිබුණා.
