එක්සත් ජාතික පක්ෂ මහ ලේකම්, හිටපු අමාත්‍ය අකිල විරාජ් කාරියවසම් මහතා එම ධූරයෙන් ඉල්ලා අස්වී ඇතැයි වාර්තා වේ.
මාධ්‍ය ආයතන කිහිපයක් ඒ බව වාර්තා කර ඇත.
එක්සත් ජාතික පක්ෂ පාර්ලිමේන්තු මන්ත්‍රීධුරයට රනිල් වික්‍රමසිංහ මහතාගේ නම යෝජනා කර යැවීමට තීරණය වූ බව එජාප නියෝජ්‍ය නායක රුවන් විජේවර්ධන මහතා ප්‍රකාශයට පත් කළ පසු මෙම තීන්දුව ගෙන තිබීම විශේෂත්වයකි. පාර්ලිමේන්තු මන්ත්‍රීධුරය සඳහා තෝරාගත් පුද්ගලයාගේ නම යෝජනා කර යැවිය යුත්තේ පක්ෂ මහ ලේකම්වරයාය.
පාර්ලිමේන්තු මැතිවරණයෙන් එජාපය පරාජය වූ පසු, එජාප නායක රනිල් වික්‍රමිංහ ඉල්ලා අස් වන බවට අකිල විරාජ් මහතා මීට පෙර ප්‍රකාශයක් කර තිබූ අතර එම ප්‍රකාශය පිළිබඳ එජාප නායක රනිල් වික්‍රමසිංහ පක්ෂ අභ්‍යන්තර රැස්වීමකදී දෝෂාරෝපණය කළ බව මීට පෙර මාධ්‍ය වාර්තා කර තිබුණි.
2021 වර්ෂයේ මුල එජාප ඉහළ තනතුරු රැසක් වෙනස් වීමට නියමිත බව වැඩිදුරටත් වාර්තා වේ.
