ඉන්දියාවේ උමං මාර්ගයේ සිර වී සිටි සියලු කම්කරුවන් බේරා ගැනේ

ඉන්දියාවේ උමගක සිරවී සිටි කම්කරුවන් 41 දෙනා බේරාගැනීමට ඊයේ (28) ඉන්දීය ගලවාගැනීම් කණ්ඩායම් සමත්වී තිබෙනවා.

Uttarakhand හි උමං මාර්ගයක් කඩා වැටීමෙන් ඒ තුළ සේවකයින් පිරිසක් කොටුවූයේ පසුගිය නොවැම්බර් මස 12 වැනිදා.

දින 17ක කාලයක් එහි සිරවී සිටි සේවකයින් පිරිස මුදාගැනීමට එතැන් සිට අඛණ්ඩ මෙහෙයුමක් ක්‍රියාත්මක වු අතර මෙලස සියලුදෙනා ගලවා ගැනීමට හැකිවූයේ පැය 400ක මෙහෙයුමකින් පසුව බවයි විදෙස් මාධ්‍ය වාර්තා කළා.

එසේම විදෙස් මාධ්‍ය පවසන්නේ රාත්‍රී 8 ට පමණ පළමු සේවකයා පිටතට ගෙන ගොස් ගිලන් රථයෙන් වෛද්‍ය මධ්‍යස්ථානයකට ගෙන ගිය බවයි.