අම්පාරේදී වනජීවී රැකවරණය, අලිවැට හා අගල් ඉදිකිරීම ඇතුළු ආරක්ෂිත වැඩ පිළිවෙලවල් හා කැලෑ නැවත වගා කිරීම හා වන සම්පත් සංවර්ධන රාජ්‍ය අමාත්‍ය විමලවීර දිසානායක මහතාට ගොවීන් පිරිසක් හූ කියා සිය විරෝධය පලකර තිබෙනවා.
අම්පාර – තිස්සපුර රජවැව පාමුල මිරිදිය මත්ස්‍ය තටාක ඉදිකොට වැව අවදානමකට හෙළා ඇතිබවට චෝදනා කරමින් ගොවීන් මෙලෙස අමාත්‍යවරයාට සිය විරෝධය පලකළා.
අමාත්‍යවරයා එම තටාකයට මිරිදිය මසුන් මුදා හැරීමට ඊයේ (14) එම ස්ථානයට පැමිණි අවස්ථාවේදී ඔහුට විරෝධය පලකර ගොවීන් හූ හඩ පතුරා තිබෙනවා.
ගොවීන් පවසන්නේ වැව් රක්ෂිතයේ මිරිදිය මත්ස්‍ය තටාක ඉදිකිරීමෙන් වැව් බැම්ම බිදී යාමටත් වගා ජලය අහිමි වීමටත් ඉඩ ඇති බවයි.
මේ සම්බන්ධයෙන් අදහස් දක්වමින් විමලවීර දිසානායක මහතා පවසන්නේ ප්‍රදේශවාසීන්ට ජීවනෝපායක් සකස් කර දීමට තමත් කළ උත්සාහයට යම් කිසි කෙනෙක් හූ කීවේ නම් ඔවුන් මනුෂ්‍යයන් නොව දෙපා සතුන් බවයි.
