මැතිවරවරණ ප්‍රචාරණ කටයුතු සඳහා එක්වූ මහරගම හිටපු නගරාධිපතිනි කාන්ති කොඩිකාර මහත්මියට පහරදීමේ සිද්ධිය සම්බන්ධයෙන් අත්අඩංගුවට ගත් සැකකරු පොලිස් ඇප මත මුදාහැර තිබෙනවා.
මෙවර පාර්ලිමේන්තු මැතිවරණය සඳහා ඉදිරිපත්වී සිටින උපාලි කොඩිකාර මහතාගේ බිරිඳ වන කාන්ති කොඩිකාර මහත්මිය ඊයේ (25) පස්වරුවේ පන්නිපිටිය ප්‍රදේශයේදීය මෙම ප්‍රහාරයට ලක්ව තිබුණා.
මහමැතිවරණයට තරග කරන සිය සැමියා වන උපාලි කොඩිකාර මහතා වෙනුවෙන් ඇය ගෙයින් ගෙට ගොස් මැතිවරණ ප්‍රචාරණ කටයුතුවල නිරත වූ බවයි වාර්තා වෙන්නේ.
ප්‍රහාරයට ලක් වීමෙන් අනතුරුව කාන්ති කොඩිකාර මහත්මිය ශ්‍රී ජයවර්ධනපුර රෝහලට ඇතුළත් කිරීමට පියවර ගෙන තිබෙනවා.
මහරගම පොලීසිය විසින් පහරදුන් පුද්ගලයාව අත්අඩංගුවට ගෙන තිබුණා.
