ජාත්යන්තර සාම දිනයට සමගාමීව සංහිඳියාවට බාධාවන සිදුවීම් හටගන්නා අවස්ථාවල ජංගම දුරකථන හරහා පූර්ව අනතුරු ඇඟවීමේ පද්ධතියක් ක්රියාත්මක කිරීමට සැලසුම් කර ඇති බව ජාතික සමඟිය හා ප්රතිසංධානය සඳහා වන කාර්යාලය පවසනවා.
අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය ජනාධිපති නීතිඥ, ආචාර්ය විජයදාස රාජපක්ෂ මහතාගේ උපදෙස් මත ග්රාමීය මට්ටමින් සාමය හා සංහිඳියාව ඇති කිරීම අරමුණු කරගනිමින් දිවයිනේ සියලුම ග්රාම සේවා වසම් ආවරණය වන පරිදි මෙම ග්රාමීය සංහිඳියා කමිටු පිහිටුවීමේ වැඩපිළිවෙල ක්රියාත්මක වනු ඇති බව වාර්තා වෙනවා.
ග්රාමීය මට්ටමේ සංහිඳියා කමිටු 14,022 ක 350,000 ට අධික සාමාජික සාමාජිකාවන්ගෙන් සැදුම්ලත් දත්ත ප්රේෂණ ජාලයක් සහිතව නිර්මාණය කරන ලද මෙම වැඩසටහන ජංගම දුරකථන යෙදවුමක් වශයෙන් නිර්මාණය කර තිබෙනවා.
අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්යංශය සඳහන් කළේ ජාතික සමඟියට බාධා වන මුල් අවස්ථාවේදීම එය හඳුනාගැනීමට සහ ඊට ක්ෂණික ප්රතිචාර දැක්වීමට බිම් මට්ටමේ සිට රාජ්ය පාලන තන්ත්රය දක්වා සම්බන්ධ කරමින් මෙම ග්රාමීය සංහිඳියා කමිටු පිහිටුවා ඇති බවයි.