මෙම වසරේ දේශීය ඇඟලුම් කර්මාන්තයෙන් උපයා ඇති අපනයන ආදායම ඩොලර් බිලියන 4.5 ඉක්මවා යනු ඇති බව ඒකාබද්ධ ඇඟලුම් සංගම් සංසදය පවසනවා.
එම සංසදය සඳහන් කරන්නේ පසුගිය වසරට සමානව මෙම වසරේදී අපනයන ආදායම ඉහළ යනු ඇතැයි අපේක්ෂා කළ බවයි.
2024 පළමු භාගය තුළ ඇඟලුම් අපනයන ආදායම 2022 හා සම මට්ටමක පැවැති අතර 2024 දෙවන භාගය තුළදී, උපයාගත් ආදායමේ කැපී පෙනෙන ඉහළ යාමක් දක්නට ලැබී තිබෙනවා.
2023 සඳහා වාර්තා වූ ඇඟලුම් අපනයන ආදායම ඩොලර් බිලියන 4.5 ක් වූ අතර එය 2022 දී වාර්තා වූ ඩොලර් බිලියන 5.6 ට වඩා 18.8% කින් අඩු අගයක්.
