රාගම රෝහලේ දී එන්නතක් අසාත්මික වීම හේතුවෙන් තරුණියක් මියයාමේ සිදුවීම සම්බන්ධයෙන් වහාම විමර්ශනයක් ආරම්භ කර ඇති බව ජාතික ඖෂධ නියාමන අධිකාරිය පවසනවා.
එම අධිකාරියේ විධායක නිලධාරී වෛද්‍ය විජිත් ගුණසේකර කියා සිටියේ “Amoxiclav කියන්නේ පෙනිසීලීන් වර්ගයේ එන්නතක්, මෙවැනි එන්නත් අසාත්මිකතාවන් ඇතිකරන එන්නතක් බව අපි කවුරුත් දන්නවා. මෙවැනි එන්නතක් ලබා දීමේදී ඒ පිළිබඳව රෝහල් කාර්ය මණ්ඩලය රෝගියාගේ ඖෂධ භාවිතයේදී සිදුවී ඇති අසාත්මිකතාවන් සම්බන්ධයෙන් වූ ඉතිහාසය පිලිබඳව මනා දැනුමක් ලබා ගත යුතු වනවා”.
මෙම කාන්තාවට ලබාදුන් එන්නත අසාත්මික පෙන්නුම් කිරීමත් සමඟ රෝගියාගේ ජීවිතයට හානියක් නොවීම සඳහා ගත යුතු පියවරයන් රැසක් ඇති බවද ඒ මහතා සඳහන් කරනවා.
මෙහිදී රෝහල් කාර්ය මණ්ඩල ඒ ක්‍රියාමාර්ගයන්ද ගත්තේ ද යන්න පිළිබඳව සොයා බැලීමට කටයුතු කරන බවත් මේ සම්බන්ධයෙන් රෝහල් මට්ටමින් විශේෂ පරික්ෂණයක් පැවැත්වෙන බැවින් වැඩිදුර යමක් සඳහන් කළ නොහැකි බවත් එම අධිකාරියේ විධායක නිලධාරීවරයා වැඩිදුරටත් සඳහන් කළා.
