ගෞරවය සදහා කරන ඝාතන හෙවත් හොනර් කිලින්වල වැඩවීමක් පකිස්තානයෙන් වාර්තා වී තිබේ.
විදෙස් මාධ්‍ය වාර්තා කරන්නේ එරට තුළ වාර්ෂිකව සිදුවන මෙවන් ඝාතන සංඛ්‍යාව පන්දහසක් පමණ වන බවයි.
කෙසේවෙතත්ෙ ඇතැම් මෙවැනි ඝාතන වාර්තා නොවන නිසා සැබෑ අගයන් මීට වඩා වැඩි විය හැකි බව ද පැවසේ.
ගෞරවය සදහා කරන ඝාතන යනුවෙන් හැදින්වෙන්නේ පවුල්, ගෝත්‍ර , ආගම් ආදියේ අභිමානය රැකගැනීම සදහා බව පවසමින් ඒවායේ ඇති සම්ප්‍රදායන් සිරිත්විරිත් ආදියට පටහැනිව, විවාහ, සබදතා සිදුකර ගැනීම ආදියේ නිරතවන පුද්ගලයන්ව එම පවුල් ගෝත්‍ර ආදියේ සෙසු සාමාජිකයන් විසින් ඝාතනය කිරීමයි.
මෙහිදී බොහෝවිට ගොදුරු බවට පත්ව ඇත්තේ කාන්තාවන් වන අතර පියවරුන්, සහෝදරයන් සහ සැමියන් විසින් කාන්තාවන් මරා දැමීම එහිදී බහුලව සිදුවේ.
