ගාල්තැන්න දේවාලයේ දේවගැතිවරයාට අයත් බව කියන ව්‍යාජ අංක තහඩු සහිත තවත් මොන්ටේරෝ වර්ගයේ ජීප් රථයක් පොලීසිය සොයාගෙන තිබෙනවා.
අම්පිටිය, ගාල්තැන්න දේවාල පරිශ්‍රයේ වාහන අංගනයේ තිබියදී පසුගියදා (05) මෙම මොන්ටේරෝ ජීප් රථය සොයාගෙන තිබුණා.
පොලීසිය පවසන්නේ,එම වාහන අංගනයේ මොන්ටේරෝ, ප්‍රාඩෝ, ඩිෆෙන්ඩර් හා තවත් කාර් රථ ඇතුළු වාහන 12ක් තිබූ බවයි.
අදාල වාහනවල අංක මෝටර් රථ ලියාපදිංචි කිරීමේ දෙපාර්තමේන්තුව වෙත යොමුකර වාර්තාවක් ලබා ගැනීමට කටයුතු කර තිබෙනවා.
පොලීසිය භාරයට ගනු ලැබූ ජීප් රථයේ සවිකර තිබූ අංක තහඩුව මෝටර් රථ ලියාපදිංචි දෙපාර්තමේන්තුවට යොමුකර සිදුකළ විමර්ශනයේ දී එම අංකයට නිත්‍යානුකූලව ලියාපදිංචි කළ මෝටර් රථයක් කුලියාපිටිය ප්‍රදේශයේ කෝටිපති ව්‍යාපාරිකයෙකු සතුව තිබෙන බව හෙළිව ඇති බවයි වාර්තා වෙන්නේ.
එමෙන්ම,දේවාල පරිශ්‍රයේ තිබී හමුවූ මොන්ටේරෝ වර්ගයේ ජීප් රථයේ අංකයට සමාන අංක සහිත මෝටර් රථයක් කුලියාපිටිය ප්‍රදේශයේ තිබියදී සොයාගෙන තිබෙන බව පොලිසිය සඳහන් කළා.
