පෘථිවියට සමාන තවත් ග්‍රහලෝකයක්?

පෘථිවියට සමාන විශාලත්වයකින් යුත්, ජීවත් වීමට සුදුසු ග්‍රහලොවක් සොයා ගැනීමට, යුරෝපා අභ්‍යවකාශ ඒජන්සියේ තාරකා විද්‍යාඥයින් සමත්ව තිබෙනවා.

යුරෝපා අභ්‍යවකාශ ඒජන්සියේ විද්‍යාඥයන් සහ ඇමෙරිකාවේ නාසා ආයතනය සමඟ එක්ව සිදු කළ පර්යේෂණ ඔස්සේ මෙම නව ග්‍රහලෝකය සොයා ගෙන ඇති බව සඳහන්.

යුරෝපා විද්‍යාඥයන් පෘථිවියේ සිට ආලෝක වර්ෂ 40 ක් දුරින් පිහිටිමෙම ග්‍රහලෝකය නම් කර ඇත්තේ, ‘ග්ලීස් 12 බී’ යනුවෙන්.

තරාකා විද්‍යාඥයන් මීට පෙර ද පෘථිවියට සමාන ග්‍රහලෝක සොයාගෙන ඇති නමුත්, ‘ග්ලීස් 12 බී’ පෘථිවියට බෙහෙවින් සමාන, ජීවත් වීමට වඩාත් සුදුසු ග්‍රහයකු බව පැවැසෙනවා.

‘ග්ලීස් 12 බී’ මතුපිට උෂ්ණත්වය සෙල්සියස් අංශක 42 ක් පමණ විය හැකි බව ද තාරකා විද්‍යාඥයන්ගේ ඇස්තමේන්තුව වී තිබෙනවා.

මෙය දින 12.8 කට වරක්ම, එම ග්‍රහලෝකය අයත් ග්‍රහ මණ්ඩලයේ තරුවක් වටා කක්ෂගත වන බවත් විද්‍යාඥයින් තවදුරටත් පෙන්වා දෙනවා.