පාකිස්තාන වේග පන්දු යවන ක්‍රීඩක මොහොමඩ් අමීර් සෙනසුරාදා ජාත්‍යන්තර ක්‍රිකට් පිටියෙන් සමුගැනීම නිවේදනය කළා.
තුන් ඉරියව් ක්‍රීඩක ඉමාඩ් වසීම් ජාත්‍යන්තර ක්‍රිකට් පිටියෙන් සමුගැනීම නිවේදනය කිරීමෙන් දිනකට පසුව අමීර්ගේ තීරණය පැමිණියේ, 2024 විස්සයි 20 ලෝක කුසලානයේදී පාකිස්තානය වෙනුවෙන් ක්‍රීඩකයින් දෙදෙනාම ක්‍රීඩා කර මාස කිහිපයකට පසුවයි.
2009 ජුනි මාසයේදී ජාත්‍යන්තර පිටියට පිවිසි ඔහු පාකිස්තානය වෙනුවෙන් ටෙස්ට් තරග 36ක්, එක් දින තරග 61 ක් සහ විස්සයි 20 තරග 62ක් ක්‍රීඩා කර තිබෙනවා.
2011 දී ස්ථාන පාවාදීමේ චෝදනාව මත වසර පහකට තහනමට ලක් වූ අමීර්, 2016 දී ජාතික කණ්ඩායමට නැවත පැමිණියා.
සිය සමුගැනීම පිළිබඳව ක්‍රීඩක මොහොමඩ් අමීර් පවසා සිටියේ මෙවැනි අදහසක්.
” පාකිස්තානය වෙනුවෙන් ආකෘති තුනෙන්ම ක්‍රීඩා කිරීමට ලැබීම මහත් ගෞරවයක්. මෙය දුෂ්කර තීරණයක් බව මම දනිමි, නමුත් ඊළඟ පරම්පරාවට පාකිස්තාන ක්‍රිකට් ක්‍රීඩාව නව මානයකට ඔසවා තැබීමට මෙය සුදුසු කාලය බව මට හැඟේ.”
