නව ප්‍රජාතන්ත්‍රවාදී පෙරමුණේ පාර්ලිමේන්තු මන්ත්‍රී චාමර සම්පත් දසනායක මහතා ඊයේ (18) පාර්ලිමේන්තුව අමතමින් අපූරු කතාවක් සිදු කළා.
එහිදී ඔහු සදහන් කළේ වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා රනිල් වික්‍රමසිංහ මහතා සම්බන්ධයෙන් අසත්‍ය කරුණක් ප්‍රකාශ කළ බව තමන් ප්‍රවෘත්ති විකාශයක් නරඹමින් සිටියදී දුටු බවයි.
රනිල් හා චන්ද්‍රිකා එකම පන්තියේ දෙදෙනෙකු බැවින් බටලන්ද කොමිෂන් වාර්තාවට අදාළව චන්ද්‍රිකා රනිල්ට එරෙහිව ක්‍රියා නොකළ බව එම ප්‍රවෘත්ති විකාශයේ සමන්ත විද්‍යාරත්න මහතා පවසා තිබෙනවා.
චාමර සම්පත් දසනායක මහතා පවසන්නේ රනිල් වික්‍රමසිංහ මහතා අධ්‍යාපනය ලැබූයේ කොළඹ රාජකීය විද්‍යාලයේ බවත් එය පිරිමි පාසලක් වන බැවින් චන්ද්‍රිකා එම පාසලට නොගිය බවත්ය.
එය පිරිමි පාසලක් බව සමන්ත විද්‍යාරත්න මහතා නොදන්නා බැවින් ඔවුන් දෙදෙනා එකම පන්තියේ බව පැවසීම අසත්‍ය හා කරුණු නොදන්නා කමට අමාත්‍යවරයා පැවසූ දෙයක් බව චාමර සම්පත් දසනායක මහතා පාර්ලිමේන්තුව අමතමින් සදහන් කළා.
චාමර සම්පත් දසනායක මහතා පසුගිය රනිල් වික්‍රමසිංහ රජයේ ප්‍රාථමික කර්මාන්ත රාජ්‍ය අමාත්‍යවරයා ලෙස කටයුතු කළා.
විදුහල්පතිනියක් දණගැස්වීමේ සිදුවීමක් හේතුවෙන් ඔහු වඩාත් කතා බහට ලක්වූ අතර කරුණු නොදැන පාර්ලිමේන්තුව අමතන මන්ත්‍රීවරුන් අතර ප්‍රමුඛස්ථානයක් ගන්නා පුද්ගලයෙක්ද වනවා.
