විශ්වවිද්යාල ප්රතිපාදන කොමිෂන් සභාවට නව සභාපතිවරයෙක් පත් කිරීම සම්බන්ධයෙන් අග්රාමාත්ය හරිනි අමරසූරිය මහත්මිය සහ ජනාධිපති අනුර කුමාර දිසානායක මහතා අතර ගැටුමක් හටගෙන ඇති බවට Daily Mirror පුවත්පත පළකොට තිබූ වාර්තාව සම්බන්ධයෙන් අග්රාමාත්ය කාර්යාලය ලිපියක් නිකුත් කර තිබෙනවා.
අග්රාමාත්යවරියගේ මාධ්ය ලේකම්වරයා විසින් යොමු කර ඇති එම ලිපිය මඟින් අවධාරණය කර ඇත්තේ අග්රාමාත්ය හරිනි අමරසූරිය මහත්මිය සහ ජනාධිපති අනුර කුමාර දිසානායක මහතා අතර ගැටුමක් ඇති බවට පළ වූ ලිපියේ දැක්වෙන කරුණු සවාද්ය, පදනම් විරහිත මෙන්ම ජනතාව නොමඟ යවන සුළු ස්වභාවයෙන් යුක්ත බවයි.
විශ්වවිද්යාල ප්රතිපාදන කොමිෂන් සභාවට නව සභාපතිවරයෙක් පත්කිරීම සම්බන්ධයෙන් ජනාධිපති අනුර කුමාර දිසානායක මහතා සහ අගමැති ආචාර්ය හරිනි අමරසූරිය මහත්මිය අතර කිසිදු ගැටුමක් හෝ මතභේදයක් ඇති වී නොමැති බවත් ජ්යෙෂ්ඨ මහාචාර්ය කපිල සෙනෙවිරත්න මහතා පත් කිරීම අග්රාමාත්යවරියගේ පූර්ණ උපදෙස් හා එකඟත්වය මත සිදු කළ බවත් එම ලිපියේ වැඩිදුරටත් දැක්වෙනවා.
එමෙන්ම, මෙවැනි නොමග යවන සුළු තොරතුරු ප්රචාරය කිරීම බරපතළ ගැටලුවක් වන අතර මෙම දෝෂය නිවැරදි කිරීමට කඩිනම් ක්රියාමාර්ග අපේක්ෂා කරන බව අදාළ ලිපියෙන් Daily Mirror වෙත දැනුම් දී තිබෙනවා.