අනුරාධපුර ශික්ෂණ රෝහලේ වෛද්‍යවරියකට බරපතළ ලිංගික හිංසන සිදුකළ බවට චෝදනා එල්ල වී ඇති සැකකරු අප්‍රේල් මස 10වන දින දක්වා නැවත රක්ෂිත බන්ධනාගාරගත කිරීමට නියෝග කර තිබෙනවා.
ඒ, අද (28) අනුරාධපුර ප්‍රධාන මහේස්ත්‍රාත් නාලක සංජීව ජයසූරිය මහතා වෙත සැකකරු ඉදිරිපත් කිරීමෙන් අනතුරුවයි.
අද දිනයේ මහේස්ත්‍රාත් නිල කාමරේදී සැකකරු හඳුනාගැනීමේ පෙරට්ටුවකට ඉදිරිපත් කළ අතර අනතුරුව සිදුවීමට මුහුණදුන් වෛද්‍යවරිය විසින් සැකකරුව හඳුනාගෙන තිබුණා.
මේ අතර අධිකරණ විභාගය අතරතුරදී තමාට විශේෂ ප්‍රකාශයක් ලබාදීමට අවශ්‍ය බව සැකකරු ඉල්ලීමක් කර තිබෙනවා.
ප්‍රධාන මහේස්ත්‍රාත්වරයා එහිදී පවසා ඇත්තේ එම ඉල්ලීමට අවස්ථාව පවතින බවයි.
