ඇපල් සමාගම විසින් සිය නවතම නිෂ්පාදනය ලෙස අයිෆෝන් 14 මාදිලිය එළිදක්වා තිබෙනවා.
ඒ අනුව iPhone 14 / iPhone 14 Plus / iPhone 14 Pro / iPhone 14 Pro Max යන වර්ග 04 ක් යටතේ මෙම දුරකථන වෙළඳපොළට නිකුත් කිරීමට නියමිතයි.
5G තාක්ෂණයේ වේගවත්ම අත්දැකීම ලබාගත හැකි මෙම ජංගම දුරකථනය චන්ද්‍රිකා තාක්ෂණය පදනම් කරගත් SOS පණිවුඩ සේවාවකින් සමන්විත වන අතර දැනට අමෙරිකාව සහ කැනඩාව තුළ පමණක් මෙම පහසුකම ක්‍රියාත්මක වනු ඇත. ඒ අනුව හදිසි අවස්ථා වලදී චන්ද්‍රිකා තාක්ෂණය භාවිතා කිරීමට iPhone පාරිභෝගිකයන්ට අවස්ථාව සැලසෙනු ඇත.
මෙගාපික්සල් 48 කැමරාවකින්ද අයිෆෝන් 14 සමන්විත බව ඇපල් සමාගම නිවේදනය කරයි.
iPhone 14 & 14 Plu s – midnight, starlight, light blue, light purple, Red යන වර්ණ 05 කින්ද, iPhone 14 Pro and Pro Max space – black, gold, silver and deep purple වර්ණ 04 න්ද වෙළඳපොළට නිකුත් කිරීමට නියමිතව තිබේ.
iPhone 14 ඇමරිකානු ඩොලර් 799 ක ආරම්භක මිලකට ද , iPhone 14 Pro ඇමරිකානු ඩොලර් 999 ක ආරම්භක මිලකට ද අලෙවි වනු ඇති බව සඳහන්.
ඒ අනුව iPhone 14 ස්මාර්ට් දුරකථනය සැප්තැම්බර් මස 16 වන සිකුරාදා වෙළඳපොළට පැමිණීමට නියමිත අතර iPhone 14 Plus ස්මාර්ට් දුරකථනය ඔක්තෝම්බර් මස 07වන සිකුරාදා එළිදැක්වීමට නියමිතව ඇත.
