ලොව ප්‍රමුඛ පෙළේ ජාත්‍යන්තර විශ්ව විද්‍යාලයක් වන ජෝන්ස් හොප්කින්ස් විශ්ව විද්‍යාලයේ 16 වැනි ප්‍රධානියා ලෙස තාරකා භෞතික විද්‍යාඥයකු වන රේ ජයවර්ධන මහතා පත් කර තිබෙනවා.
ඔහු මීට පෙර අමෙරිකාවේ කොර්නල් විශ්ව විද්‍යාලයේ කලා හා විද්‍යා විද්‍යාලයේ පීඨාධිපතිවරයා ලෙස කටයුතු කර ඇති බවයි විදෙස් මාධ්‍ය වාර්තා කරන්නේ.
නිවේදනයක් නිකුත් කරමින් ජෝන්ස් හොප්කින්ස් විශ්වවිද්‍යාලයේ සභාපති රොන් ඩැනියෙල්ස් හොප්කින්ස් පවසන්නේ විද්‍යාඥයකු සහ සම්මානලාභී ලේඛයෙකු වන රේ ජයවර්ධන නව සොයා ගැනීම් සඳහා උද්යෝගීමත්ව කටයුතු කළ දුරදර්ශී නායකයෙක් බවයි.
මේ අනුව ජෝන්ස් හොප්කින්ස් විශ්වවිද්‍යාලයේ මීළඟ ප්‍රධානියා ලෙස සේවය කිරීමට සුදුසුම පුද්ගලයා ලෙස ඔහු බවයි එම නිවේදනයේ වැඩිදුරටත් දැක්වෙන්නේ.
