ඊශ්‍රායල තාක්ෂණික කණ්ඩායමක් වන NSO විසින් නිර්මාණය කරන ලද පෙගසස් නමැති යෙදුම Android හා IOS දුරක;නවලට බලපෑම් කිරීමට සමත් ජංගම දුරකතන යෙදුමකි.
මේ හරහා හැකර්වරුන්ට දුරකතනයේ කැමරාව, මයික්‍රොෆෝනය, ලිපිගොනු, ඡායාරූප සහ ඊමේල් තුළට ප්‍රවේශ විය හැකිය.
මෙම මෘදුකාංගය මගින් ජංගම දුරකතන භාවිතා කරන්නෙකුට WhatsApp ඇමතුමක් හෝ SMS එකක් යැවීමෙන් අදාළ දුරකථනයේ දත්ත අනාරක්ෂිත තත්ත්වයට පත් කළ හැකි වේ.
ඒ මොහොතේ සිටම ජංගම දුරකතනයේ දත්ත අනාරක්ෂිත තත්ත්වයට පත් වීම මෙහි ඇති අනතුරුදායක තත්ත්වයයි.
ජංගම දුරකතන දත්ත මෙලෙස සොරාගන්නා Pegasus යෙදුමෙන් ඉවත් වීමට ඇති එකම ක්‍රමය, අදාළ දුරකතනය භාවිතයෙන් ඉවත් කිරීම පමණයි.
අලුතින් ජංගම දුරකතනයක් භාවිත කරන්නට පටන් ගත් විට පවා, මින් පෙර භාවිත කළ Google” Whatspp සහ Facebook ගිණුම් ඔස්සේ නව දුරකතනය ද ආක්‍රමනය කිරීමේ හැකියාවද මෙම මෘදුකාංගය සතු වනවා.
‘Pegasus’ යෙදුම භාවිත කරන සෞදි අරාබිය, මෙක්සිකෝව, ඉන්දියාව වැනි රටවල ආණ්ඩු පවසන්නේ තම රටේ ආරක්ෂාවට එල්ලවන තර්ජන නැවැත්වීම සඳහා මෙය යොදා ගන්නා බවය.
නමුත් එය සිවිල් සමාජ ක්‍රියාකාරීන්, මාධ්‍යවේදීන් සහ අයිතිවාසිකම් වෙනුවෙන් පෙනී සිටින්නන්ට එරෙහිව යොදා ගන්නා අවස්ථා ද වාර්තා වනවා.
