ප්‍රවීණ ජනප්‍රිය රංගන ශිල්පි අර්ජුන කමලනාත් මහතා අද (07) අපරාධ පරීක්ෂණ දෙපාර්තමේන්තුවට පැමිණ තිබෙනවා.
ඒ MPI සිනමා සමාගමෙන් කොටස් මිලදී ගෙන තමන්ට මුහුණ දීමට සිදුව ඇති ගැටලුකාරී තත්වයක් සම්බන්ධයෙන් පැමිණිලි කිරීම සඳහායි.
ඒ පිළිබඳව මාධ්‍යට වැඩිදුරටත් අදහස් දැක්වූ අර්ජුන කමලනාත් මහතා :
“MPI සිනමා සමාගම සම්බන්ධයෙන් මම මේ ශෙයාර්ස් අරගෙන තියෙනවා, ඒවා ගත්තු මහත්තුරු ශෙයාර්ස් දෙන්නෙත් නැහැ, සල්ලි දෙන්නෙත් නැහැ, අවුරුදු හතක් විතර ඉවසුවා. බැරිම තැන ඉතින් නීතියෙ පිහිට පතාගෙන ආවා. පස් දෙනෙක්ගෙන් ශෙයාර්ස් ගත්තා, එයාලා සල්ලිත් තියාගෙන ශෙයාර්සුත් තියාගෙන ඉන්නවා අවුරුදු හතක් තිස්සේ. ඒකට නීතියේ පිහිටපතාගෙන තමයි පැමිණිල්ල දාන්න ආවේ”
