“ඉන්දියානු පොහොරවලට ගෙවන්න කෝටි 29 ක් පුද්ගලික ගිණුමකට – ජනාධිපති ලේකම් පී.බී. ජයසුන්දර බලපෑම් කරලා” මැයෙන් ‘සතිඅග අරුණ’ පුවත්පත පලකර ඇති ලිපිය සම්පූර්ණ සාවාද්‍ය සහ ද්වේශ සහගත ප්‍රවෘත්තියක් බවට ජනාධිපති ලේකම් පී.බී. ජයසුන්දර මහතා නිවේදනය කරනවා.
අදාළ නිවේදනය මගින් පී.බී. ජයසුන්දර මහතා පවසන්නේ එම පුවත්පත් වාර්තාව තමන් තරයේ ප්‍රතික්ෂේප කරන බවයි.
එමෙන්ම මෙම පුවත්පත් වාර්තාව සම්බන්ධයෙන් සියලු පාර්ශව කැඳවා විධිමත් පුළුල් පරීක්ෂණයක් වහාම පවත්වන්නැයි ජනාධිපති ලේකම්වරයා පොලිස්පතිවරයාට දැනුම්දී ඇති බවද නිවේදනයේ සඳහන්.
2021 ඔක්තෝම්බර් 24 වන ඉරිදා පලකළ සතිඅග අරුණ පුවත්පත් වාර්තාවෙහි දැක්වුණේ ඉන්දියාවෙන් මෙරටට නයිට්‍රජන් දියර පොහොර ගෙන්වීමේ කොන්ත්‍රාත්තුව භාරගෙන සිටින ‘United Farmers Trust Ltd’ සමාගමට බැංගු ගිණුමක් වීවෘත කර මහජන බැංකු මූලස්ථානයෙන් ඇමරිකානු ඩොලර් මිලියන එකයි දශම දෙකක් හෙවත් රුපියල් කෝටි 29 ක මුදලක් බැරකර ඇති බවයි.
මෙම ගිණුම ආරම්භ කිරීම සඳහා ජනාධිපති ලේකම් පී.බී. ජයසුන්දර මහතා මහජන බැංකුවේ නගර ශාඛාවට දිගින් දිගටම බලපෑම් කර ඇති බව වාර්තා වන බවද එහි සදහන්.
