තෙල් නැව් එද්දී, පා පැදි අලෙවිය පහතට

ඉන්ධන හිඟයත් සමඟ ඉහළ ගිය පා පැදි අලෙවියේ කැපී පෙනෙන පහත වැටීමක් සිදු ව තිබෙනවා.

ඒ අනුව පාපැදි මිල ගණන්වල ද අඩුවක් දක්නට ලැබෙන බව යි පාපැදි ආනයන කරන්නන්ගේ සහ එකලස් කරන්නන්ගේ සංගමයේ සමලේකම් රිස්නි ඉස්මත් කියා සිටියේ.

මේ අතර, අද සිට ලබන සිකුරාදා දක්වා දිනකට පැය 3ක විදුලි කප්පාදුවක් සිදු කෙරෙනවා.

ඒ අනුව A, B, C, D, E, F, G, H, I, J, K, L, P, Q, R, S, T, U, V, W කලාප සඳහා දහවල් කාලයේ දී පැයයි විනාඩි 40ක කාලයකුත්, රාත්‍රියේ දී පැයයි විනාඩි 20ක කාලයකුත් විදුලි කප්පාදුව සිදුවනු ඇති.

නොරොච්චෝලේ ලක් විජය බලාගාරයේ ජනන යන්ත්‍ර දෙකක් අක්‍රීය වීම මෙලෙස විදුලි කප්පාදුව වැඩි කිරීමට හේතු වී තිබෙනවා.