“Devon 5” බහුදින ධීවර යාත්‍රාවේ අසාද්‍යව සිට දිවි බේරාගත් ධීවරයා ශ්‍රී ලංකා නාවික හමුදාවේ විජයබාහු නෞකාව මඟින් අද (01) උදෑසන හම්බන්තොට වරාය වෙත රැගෙන විත් තිබෙනවා.
පසුව ප්‍රතිකාර සඳහා හම්බන්තොට මහ රෝහල වෙත ඔහුව ඇතුළත් කර ඇති බවයි වාර්තා වෙන්නේ.
කොළඹ සමුද්‍රීය සෙවීම් හා මුදවා ගැනීම් සම්බන්ධීකරණ මධ්‍යස්ථානයේ සම්බන්ධීකරණයෙන් “Devon 5” බහුදින ධීවර යාත්‍රාවේ අසාද්‍ය තත්ත්වයේ සිටි ධීවරයින් දෙදෙනෙක් ‘MV KOTA CAMIL’ නමැති වෙළෙඳ නෞකාවක් මඟින් ඊයේ (30) දින මුදවා ගැනීමට කටයුතු කර තිබුණා.
එම ධීවරයින් ගොඩබිමට රැගෙන එන අතරතුර එක් ධීවරයෙකු ‘MV KOTA CAMIL’ නෞකාව තුළදී ජීවිතක්ෂයට වුණා.
අසාද්‍ය තත්ත්වයේ සිටි අනෙක් ධීවරයා විජයබාහු නෞකාව වෙත ඊයේ රාත්‍රියේදී භාර ගෙන තිබුණා.
