වෙළඳ අමාත්‍ය බන්දුල ගුණවර්ධන මහතා හට කොවිඩ් වෛරසය ආසාදනය වී ඇති බව තහවුරු වී තිබෙනවා.
ඊයේ දින සිදු කළ රැපිඩ් ඇන්ටිජන් පරීක්ෂාවකින් ඒ බව තහවුරු වූ බවයි සිය ෆේස්බුක් පිටුවේ සටහනක් තබමින් ඒ මහතා පවසන්නේ.
එබැවින් පසුගිය සතියක කාලය තුලදී තමාගේ ආශ්‍රිතයන් වූ පිරිසට නිරෝධායනය වන ලෙසට ඔහු ඉල්ලා සිටිනවා.
බන්දුල ගුණවර්ධන මහතා ඊයේ (27) දින අරලියගහ මන්දිරයේදී ජනාධිපතිවරයාගේ ප්‍රධානත්වයෙන පැවති කොවිඩ් මර්දන විශේෂ කමිටු රැස්වීමට සහභාගී වූ අතර මීට අග්‍රාමාත්‍ය මහින්ද රාජපක්ෂ, මුදල් අමාත්‍ය බැසිල් රාජපක්ෂ, සෞඛ්‍ය අමාත්‍ය කෙහෙළිය රඹුක්වැල්ල, රාජ්‍ය ඇමතිනී සුදර්ශනී ප්‍රනාන්දුපුලේ, යුද හමුදාපති ශවේන්ද්‍ර සිල්වා,විශේෂඥ වෛද්‍ය ප්‍රසන්න ගුණසේන වැනි මහත්ම මහත්මීන් සහභාගීව සිටීම විශේෂයක්.
මුඛාවරණ පැළඳීමේදී එය කට සහ නාසය යන දෙකම වැසෙන පරිදි පැළැඳිය යුතු වුවත් මුදල් අමාත්‍යවරයා එම සෞඛ්‍ය උපදෙස් අනුගමනය කරන බවක් පෙනෙන්නට තිබුණේ නෑ.
