පක්ෂයේ දිස්ත්රික් නායකයන් කවුරුන් හෝ කැඳවනවා නම් ඊට ප්රථම පක්ෂය දැනුවත් කළ යුතු බව බැසිල් රාජපක්ෂ මහතා පවසනවා.
ඔහු මේ බව ප්රකාශ කර ඇත්තේ එම පක්ෂයේ දිස්ත්රික් නායකයන් අතර ඊයේ (15) පැවැති සාකච්ඡාවේදීයි.
එවැනි සාකච්ඡාවක් නැවත කැඳවනවා නම් පක්ෂ නායකයන් දැනුවත් කළ යුතු බවයි ඒ මහතා පෙන්වා දී ඇත්තේ.
රටේ ඉහළ පෙළේ නායකයන් සහ පොදුජන පෙරමුණු නායකයන් අතර සිදුවන සාකච්ඡා පිළිබඳව විවිධ නිලධාරීන් මාර්ගයෙන් එම නායකයන් දැනුවත් වීම සිදු කෙරෙන හෙයින් පක්ෂයේ විනය පිළිබඳව ගැටළුවක් ඇති විය හැකි බැවින් ඒ සම්බන්ධව සියළු දෙනා සැලකිලිමත් විය යුතු බවද එහිදී බැසිල් රාජපක්ෂ මහතා සඳහන් කර තිබෙනවා.
තවද දිස්ත්රික් මට්ටමින් පක්ෂයට ඇති ගැටළු සම්බන්ධව හා පක්ෂය ශක්තිමත් කිරීමේ වැඩපිළිවෙල පිළිබඳව ද අදහස් ප්රකාශ වී ඇති බවද සඳහන් වනවා.
මෙහිදී පළාත් පාලන ඡන්දය පැවැත්වීම මේ මොහොතේ සුදුසු ද? නැද්ද? යන්න පිළිබඳව බැසිල් රාජපක්ෂ මහතා මන්ත්රීවරුන්ගෙන් විමසා තිබෙනවා.
ඒ සම්බන්ධව මන්ත්රීවරුන්ගෙන් අදහස වී ඇත්තේ රටේ ආර්ථිකය යහපත් මට්ටමේ ප්රකෘති තත්ත්වයක් පත්ව ඇති නිසා කෙටි කලක් තුළදී මැතිවරණයකට මුහුණ දීම සුදුසු බවයි.