අග්‍රාමාත්‍ය මහින්ද රාජපක්ෂ මහතා අග්‍රාමාත්‍ය ධූරයෙන් ඉවත්වන බවට ප්‍රධාන මාධ්‍ය හා සමාජ මාධ්‍ය ජාලාවල දින කිහිපයක් පුරාවටම පැතිර යන ප්‍රචාරයන්හී කිසිදු සත්‍යතාවයක් නොමැති බවට අග්‍රාමාත්‍ය මාධ්‍ය ලේකම් රොහාන් වැලිවිට මහතා නිවේදනය කරනවා.
අග්‍රාමාත්‍යවරයා සදහන් කර ඇත්තේ රටේ ජනතාව නොමඟ යවන මෙවැනි අසත්‍ය ප්‍රචාරයන් තමන් තරයේ ප්‍රතික්ෂේප කරන බවයි.
පසුගිය දින කිහිපය පුරාවටම මාධ්‍ය වාර්තා කළේ එළැඹෙන ජනවාරි 10 වනදා කැබිනට් මණ්ඩලයේ අමාත්‍ය ධූර සංශෝධනයක් සිදුවීමට නියමිත බවයි.
ඒ අතරතුර අග්‍රාමාත්‍ය මහින්ද රාජපක්ෂ මහතා එම තනතුරෙන් ඉවත්වී එය මුදල් අමාත්‍ය බැසිල් රාජපක්ෂ මහතාට ලබාදෙන බවට මාධ්‍ය වාර්තා පලවුණා.
කෙසේ වෙතත් මෙම නිවේදනයත් සමඟ බැසිල් රාජපක්ෂ මහතා තවදුරටත් මුදල් අමාත්‍යවරයා ලෙස පමණක් කටයුතු කරනු ඇති.
නමුත් කැබිනට් සංශෝධනය පිළිබදව මාධ්‍ය වාර්තා පිළිබදව අග්‍රාමාත්‍යවරයාගේ නිවේදනයේ සදහන්ව තිබුණේ නැහැ.
