රනිල් වික්‍රමසිංහ මහතා ජනාධිපති ධුරයට පත් කිරීමට යෝජනා කළේ පොදුජන පෙරමුණ ජාතික සංවිධායක බැසිල් රාජපක්ෂ මහතා බව රාජ්‍ය අමාත්‍ය ඉන්දික අනුරුද්ධ මහතා පවසනවා.
ඔහු මේ බව සඳහන් කළේ ඊයේ (22) පැවැති මාධ්‍ය හමුවකට එක්වෙමින්.
එවක අගමැතිවරයා ලෙස සිටි රනිල් වික්‍රමසිංහ මහතා අනුප්‍රාප්තික ජනාධිපතිවරයා ලෙස පත් කිරීමට පාර්ලිමේන්තුව තුළ සිදුකළ මෙහෙයුම් සිදුකළේ බැසිල් රාජපක්ෂ මහතා බවයි රාජ්‍ය අමාත්‍යවරයා ප්‍රකාශ කරන්නේ.
ඒ මහතා පෙන්වා දෙන්නේ පාර්ලිමේන්තුවේ අනුප්‍රාප්තික ජනාධිපතිවරයා ලෙස පත් කරගැනීමේ ඡන්ද විමසීමේදී ඩලස් අලහප්පෙරුම මන්ත්‍රීවරයා එම ධුරයට නුසුදුසු බව ශ්‍රී ලංකා පොදුජන පෙරමුණේ බහුතර මන්ත්‍රී ගණනාවක් මතය වූ බවයි.
ඒ හේතුවෙන් ඔහුට ඡන්දය නොදීමට තීරණය කළ බවයි රාජ්‍ය අමාත්‍යවරයා වැඩිදුරටත් සඳහන් කරන්නේ.
