කොවිඩ්-19 එන්නත්කරණය සඳහා ඇමරිකානුවන් දිරි ගැන්වීම සඳහා ජෝ බයිඩන්ගේ රජය විවිධ ක්‍රියාමාර්ග අනුගමනය කරමින් සිටින බව වාර්තා වෙයි.
එන්නත් ලබා ගන්නන් සඳහා ක්‍රීඩා තරඟ සඳහා ප්‍රවේශ පත්‍රවල සිට නොමිලේ බියර් දක්වා විවිධ දේ ලබා දීමට ඇමරිකානු රජය ඒ අනුව කටයුතු කර තිබේ.
විශේෂයෙන් ජුලි 04 වෙනිදායින් එළැඹෙන් නිවාඩු සමයට පෙර තවත් ඇමරිකානුවන් එන්නත ලබා ගැනීමට යොමු කිරීම රජයේ අරමුණ වී ඇතැයි පැවසේ.
ඒ වෙනුවෙන් ක්‍රියාකාරී මාසයක් ප්‍රකාශයට පත් කිරීමට ද බයිඩන්ගේ රජය මේ වන විට කටයුතු කර තිබේ.
ඒ වෙනුවෙන් දිරි ගැන්වීම සඳහා ආකර්ශනීයපියවරයන් ලෙස බියර්,ප්‍රවේශ පත්‍ර මෙන්ම මුදල් ද ලබා දීමට කටයුතු කර ඇත.
එළඹෙන නිදහස් දිනය වන විට වැඩිහිටි ප්‍රජාවගෙන් 70%ක් පමණ එන්නත ලබා ගැනීමේ අවශ්‍යතාවය රජය හඹා යන ප්‍රධාන ඉලක්කයන්ගෙන් එකක් විය.
මත්පැන් පානයෙන් වැළකී සිටින ඇමරිකානු ජනාධිපතිවරයා මෙම වැඩසටහන ප්‍රවර්ධනය කරමින් එන්නත මාත්‍රාවක් ලබාගෙන බියර් එකක් පානය කරන්න යැයි පවසා තිබේ.
එමෙන්ම රජය මේරිලන්ඩ් හි කළු ජාතිකයන්ට අයත් බාබර් සාප්පු සහ රූපලාවන්‍යාගාර දහසකට අධික සංඛ්‍යාවක දී එන්නත පිළිබඳ දැනුම සහ එන්නත් මාත්‍රා ලබා දෙමින් සාර්ථක නියමු ව්‍යාපෘතියක් ක්‍රියාවට නංවා තිබේ.
බියර්,ප්‍රවේශපත්‍ර,මුදල්වලට අමතරව ඇතැම් ප්‍රාන්තවල එන්නත් ලබා ගන්නන් සඳහා ඩෝනට් වැනි කෙටි ආහාර ලබා දීම මෙන්ම වැටුප් සහිත නිවාඩු ලබා දීම යන විවිධ දීමනා ලබා දීමට කටයුතු කරඇතැයි විදෙස් මාධ්‍ය වාර්තා කර තිබුණි.
