මර්දනයට ලක් වූ මාධ්යවේදීන්ට යුක්තිය ඉල්ලා සිටීම වෙනුවෙන් මෙවර කළු ජනවාරි සැමරුම හෙට (30) සවස 5.30ට කොටුව දුම්රිය ස්ථානය ඉදිරිපිට පැවැත්වීමට මාධ්ය සේවක වෘත්තිය සමිති සම්මේලනය කටයුතු සූදානම් කර තිබෙනවා.
ප්රජාතන්ත්රවාදය, සමාජ සාධාරණත්වය හා දූෂණය අතින් අඳුරු කාලසීමාවන් පසු කරමින් ඉදිරියට ආ ශ්රී ලංකාව වත්මනෙහි අත්පත් කරගෙන සිටින යුග පරිවර්තනය උදා කර ගැනීම වෙනුවෙන් ඝාතනයට ලක් වූ, පැහැරගැනීමට ලක් වූ, අතුරුදන් වූ සහ අනෙකුත් ආකාරවල පීඩාවන්ට ලක් වූ මාධ්යවේදීන් සිහිපත් කරන්නේ ජනවාරි මාසයේදීයි.
වධහිංසාවට ලක් වූ මාධ්යවේදීන්ට යුක්තිය උදා කරගැනීම උදෙසා වන මෙම ඓතිහාසික සැමරුමට සහභාගී වන මෙන් මාධ්ය සේවක වෘත්තිය සමිති සම්මේලනය සියලුම මාධ්යවේදීන්ගෙන් ඉල්ලා සිටිනවා.
2004 සිට 2014 දක්වා ඝාතනය වූ හෝ අතුරුදන් කළ මාධ්යවේදීන් 13 කගේ නම් පහතින්,
අයියාතුරේ ජී. නඬේසන් – 2004. 05. 31
කන්දසාමි අයියර් බාලනඩරාජ් – 2004 අගෝ. 16
ධර්මරත්නම් සිවරාම් – 2005 අප්රේල් 28
රේලන්ගී සෙල්වරාජා -2005 අගෝස්තු 12
සුබ්රමනියම් සුගීර්දරාජන් – 2006 ජනවාරි 24
සම්පත් ලක්මාල් ද සිල්වා – 2006 ජූලි 02
සුබ්රමනියම් රාමචන්ද්රන් – 2007 පෙබරවාරි 15 (අතුරුදහන්)
සුභාෂ් චන්ද්රබෝස් – 2007 අප්රේල් 16 – වව්නියාව
සෙල්වරාසා රජීව්වර්මන් – 2007 අප්රේල් 29
සහදේවන් නිලක්ෂන් – 2007 අගෝ. 01
පරණිරූපසිංහම් දේවකුමාර් – 2008 මැයි 28
ලසන්ත වික්රමතුංග – 2009 ජනවාරි 08
ප්රගීත් එක්නැලිගොඩ – 2010 ජනවාරි 24 – (අතුරුදහන්)
බරපතල ප්රහාර/පැහැරගැනීම්වලට ලක්වූ මාධ්යවේදීන්
ලාල් හේමන්ත මාවලගේ – ප්රහාර – 2007. 01. 26
ටී.එම්.ජී චන්ද්රසේකර – පහරදීම – 2007. 12. 27
රධිකා දේවකුමාර් – වෙඩි තැබීම – 2008. 03. 07
කීත් නොයාර් – පැහැර ගැනීම හා ප්රහාර -2008 මැයි
නාමල් පෙරේරා – ප්රහාර – 2008. 06. 30
උපාලි තෙන්නකෝන් – ප්රහාර – 2009. 01. 23
නඬේසපිල්ලේ විද්යාදරන් – පැහැර ගැනීම- 2009.2.26
පෝද්දල ජයන්ත – පැහැර ගැනීම හා ප්රහාර – 2009. 06. 01
ඥාණසුන්දරම් කුගනාදන් – ප්රහාර – 2011 ජූලි 29
ක්රිෂ්ණි ඉෆාම් – පැහැර ගැනීම – 2009. 06. 24
මන්දනා ස්මයිල්ට තර්ජනය කරමින් ලිපි ගොනු සෙවීම – 2013. 08. 24
ප්රහාරවලට ලක් වූ මාධ්ය ආයතන
සුඩර්ඔලි පුවත්පත – 2005. 08. 29, 2005. 09. 29 අත්බෝම්බ දමා ගැසීම
උදයන් පුවත්පත – 2006. 05. 02, 2013. 03. 13 ඇතුලූ බරපතල ප්රහාර කිහිපයක්
සිරස මැදිරි සංකීර්ණ විනාශ කිරීම – 2009 ජනවාරි 8
සියත ප්රහාරය – 2011 ජූලි 30
ඊ නිවුස් ගිනිතැබීම – 2011. 01. 11 සහ තවත් හිරිහැර කිරීම්
එලෙස අතීතයේදී ඇදවැටුණු මාධ්යවේදීන් සිහිපත් කිරීමට මෙන්ම වත්මනෙහි රාජකාරියේ යෙදී සිටින මාධ්යවේදීන්ට ගිවිසුම්, වැටුප් සහ අනෙකුත් වෘත්තිය අයිතිවාසිකම් ලබාගැනීමට මෙන්ම ප්රකාශන නිදහසට බාධා කරන නීතිරීති ඇතුළු බාධා ඉවත් කරගැනීමද කළු ජනවාරි සැමරුම මඟින් අපේක්ෂේ කෙරෙනවා.